Hølir
4 stjørnað ráðstevnuhotel
Hotel Brandan er 4-stjørnað ráðstevnuhotell við fýra fundarhølum, øll í ymsum støddum við fjølbroyttum møguleikum. Vit kunnu hýsa øllum – bæði smærri fundum og stórum ráðstevnum. Fundarhølini eru væl útgjørd við KT-útgerð, og okkara starvsfólk hava drúgvar royndir á økinum.
Sí møguleikar fyri borðuppsetanir HER
Um tit hava fyrispurningar ella ynskja at bíleggja, vinaliga setið tykkum í samband við okkum á booking@hotelbrandan.fo ella tlf. 309200.
Meksiko
Meksiko er størsta fundar- & ráðstevnuhøli á Hotel Brandan og kann húsa 90 fólkum í stólarekkjum. Ein svali við útsýni yvir viðarlundina fer beinleiðis úr hølinum. Meksiko kann býtast í tvey høli og brúkast til alt frá vanligum fundarvirksemi til privatar veitslur og tiltøk. KT-útgerðin er av besta slag og er løtt at brúka.
Brúgvin
Brúgvin er fundarhøli á ovastu hædd við útsýni yvir býlingin norðureftir og einum svala við útsýni yvir viðarlundina. Brúgvin kann húsa 55 fólkum í stólarekkjum og kann brúkast til eitt hvørt høvi. Høli hevur tveir stórir skíggjar, og KT-útgerðin er av bestu góðska.
Krákugjógv
Krákugjógv er eitt minni fundarhøli á ovastu hædd við frálíkum útsýni. Hølið er sera væl egnað til smærri fundir við upp til 6 luttakarum, setanarsamrøður og líknandi. Í hølinum er ein skíggi, flipover, whiteboard og ein prentari.
Klubbin
Klubbin er eitt minni fundarhøli við frálíkum útsýni yvir Viðarlundina og Gundadal. Hølið er sera væl egnað til smærri fundir við 4 – 6 luttakarum, setanarsamrøður og líknandi. Í hølinum er ein skíggi, flipover, whiteboard og annars øll neyðug útgerð.
Myndasavn - Meksiko
Myndasavn - Brúgvin
